Tmurx il-polyclinic qabel id-9:30am

Jgħidu li bniedem avzat, nofu armat. Aħna l-Maltin għandna l-marda nazjonali li jekk naf jien, mela jaf kullħadd! Dan jgħodd b'mod partikolari għal min jmexxi l-pajjiz u s-sistema tas-saħħa. U għalhekk xtaqt naqsam magħkom din l-esperjenza li kelli biex immur nieħu injection fil-polyclinic tal-gvern ta' Hal Qormi. U fettilli nagħmel dan qabel ix-xogħol ghal xi t-8:00 ta' filgħodu.

Mela saqsejt lir-riceptionist u qalli li rrid immur it-treatment izda l-ewwel prijorita hija dik ta' min irid jieħu s-sample tad-demm. Imma għas-sample tad-demm ma jkunx hemm xi wieħed jew tnejn... u ghalhekk tispicca frustrat tistenna għalxejn u tisma' bosta tgergir ta' pazjenti oħra li ippretendew li jiqdew għax bħali ma kienux jafu b'dan l-imberkin samples tad-demm. U ejja ngħiduha: it-tgergir huwa marda oħra nazzjonali.

Ta' min isemmi li dan l-imbierek bieb tat-treatment room, kien qisu biex ta' burdell. Min jaqbad jidħol, min isaqsi, min ħiereġ u min għassa miegħu biex jaqbeż il-queue. U waħda minna hekk precizament għamlet u malli għamlet hekk l-oħrajn kollha gergru. Għadda ż-żmien u reġet ħarġet u jien mistgħaġeb, ħadd ma kellimha. Ħadd, għaddiet qisu xejn m'hu xejn. Iżda dan jagħmel sens?

Mela daqqu id-9:15, u jien kont għadni nistenna u spiccaw tad-demm. Waħda li kienet qablu fil-queue qalet "misshom jaqsma tat-treatment minn tad-demm" forsi suġġeriment tajjeb, iżda f'dak il-ħin inutli tgħid lilna u għalhekk ma nafx x'fettilli u għetila, "issa, x'ħin tidħol għidilhom". U malli qedt hekk ma nafx b'liema raġuni, żewġa bir-rabja, attakkani u qalli "għidilhom int, mhux marti". U jien xi ftit imbellah qetlu, "imma mhux martek trid tagħmel dan is-suggeriment? U ngħidlek ħaġa oħra, l-ewwel gergirt li waħda qabżet il-queue u malli ħarġet lanqas għedtilha xejn!" U hawnhekk id-diskors beda jinbidel, "le", qalli u kompla "dik ma qabżitx il-queue, kienet hawn qabeilna 'lkoll".

Mela hwanhekk wasalna għat-tielet marda nazjonali, m'aħniex kapaci nressqu l-ilmeti tagħna lil xi awtorita, forsi għax kompjacenti u lsiena twil, jew simplicement biża'?

Jiena qed nipprova nagħmel il-parti żgħira tiegħi. Jekk inti wasalt sa fuq din il-paġna, issa taf li jekk tmur il-polyclinic wara id-9:30 hemm cans kbir tinqeda tajjeb u mingħajr frustrazjoni u tista' tgħaddi l-messaġġ lil ta' madwarek. Tajjeb li tkun taf u tgħarraf!
Issa wkoll jekk inti xi ħadd li taħdem fis-sistema, għandek is-suġġeriment ta' din-is-sinjura. Pero jiena għalija biżżejjed li twasslu l-messaġġ ta' l-operat tagħkom sew u car lil-pubbliku - mingħajr ma tħaddmu iktar nurses.