Il-monument ta' Ħal Luqa.

Reġa' ssemma l-momunemt ta' Ħal Luqa, u bi dritt. Iva bi dritt għax f'dan il-pajjiż għandna klassi diriġenti fqira u għadha b'mentalita' kolonjali. Ilna minn 1964 indipendenti iżda baqa' ż-żmien biex aħna ninħallu minn dik il-mentalita' fqira u kolojali: Il-mentalita' li jrid jiġi xi ħadd barrani biex isir xi ħaġa. Il-klassi diriġenti tagħna ma tirrispettaniex, u sservi lill-barrani. Mela mhux ta' b'xejn u bi dritt, li kellu jissemma mil-ġdid il-momument ta' Ħal Luqa!
Jekk ikun hemm ic-cans li ticcaqlaq xi ħaġa, bħal ngħidu aħna, jitneħħa dak il-kruha ta' monument li hemm f'Ħal Luqa, dan ic-cans jista' jintlaħaq jekk ikolna xi barrani jżurna - bħal ma hu l-papa.
Jekk hemm ix-xewqa li jsir monument falliku, tajjeb: ħalli jsir u jsir fl-għamla vera u propjra, u l-forma kollha artistika tiegħu! Dak ta' Ħal Luqa m'hu xejn ħlief struttura ridikola.
M'humiex ftit dawk li jgħidu il illum ngħixu f'epoka li qisu bħal kollox huwa arti, u kull idea tista' tissejjah arti. Tant kemm tlifna l-kuncett ta' arti u sbuħija li ngħixu f'epoka (artisitika) bla karattru,bla referenza; nistgħu ngħidu li ngħixu f'epoka artisita mitlufa.

Tlifna dan ic-cans li titneħħa (darba għal dejjem) struttura ridikola. U forsi anke tort ta' l-Inglizi ma tantx jitilfu c-cans biex jippruvaw jirridikolaw l-ex kolonji tagħhom. Ħaqna, għax aħna konna (bl-awtoritajiet tagħna) li qedna hemm dik l-struttura ridikola u bla sens.