Il-Klandestin u l-Għarusa

"Kont għeri u libbistni, kont bla dar u lqajtni ..." Kliem car, m'hemmx kif iddur ma' l-lewza. Pero tajjeb li nippruvaw nifhmu din is-sitwazzjoni.

L-ewwel nixtieq nħares lejn x'qed jintqal, u waħda minn l-affarijiet hija li jgħidu li l-klandestini huma piz finanzjarju. Forsi vera, imma jekk hu veru, għalfejn l-ewwel tajna sitt xhur paga lil dak il-politikant li ma jridhux il-poplu u mbgħad żidna l-paga tal-MEP għal iktar minn €80k?

Oħrajn jgħidu li jġibu l-kriminalita'. Veru li meta wieħed jgħaddi mill-Marsa aħjar ma jħarisx darbtejn lejhom għax malajr jagħmlulek xi sinjal. Pero min, meta jkun parti minn gemgħa ma jagħmilx iktar l-arja? Naħseb li hawnhekk għandna naħsbu fis-sistema Olandiża, fejn ma jħallux ġemgħa jew koncentrazjoni ta' nies ta' etnija partikolari; iżda jinfirxu u tgħin ukoll l-integrazjoni.

Jiena meta nħares lejn din is-sitwazzjoni nara li hemm zewġ fatturi principali. L-ewwel fattur hu proprju l-klandestinita. Nsomma li ssir xi ħaġa minn taħt u l-awtorita għalkemm jafu biha, ma jagħmlu xejn jew ftit li xejn... fi kliem ieħor, l-awtoritajiet jiġu komplici ma' l-ħażen li qed isir. Problema oħra tal-klandestinita hija il-ħsara li toħloq għal minn jipprova jgħaddi mit-toroq ufficjali. Jekk ser tipprova tgħaddi mit-triq ufficjali żgur li ser issib xkiel u komtrolli liema bħalu... mela mhux talli l-awtorita hija kompjacenti ma' l-klandestinita, iżda talli jaqbillek bosta iktar li tuzha!!

It-tieni fattur hu l-kulur. Naħseb li bosta nies qed jaslu sal-kulur. Iva sal-kulur tal-gilda biex żgur nifthemu. Jiena nara li dawn in-nies huma vittmi ta' sistemi ħafna akbar minnhom u minna. Dan in-nies huwa dak li aħna naraw minn dak kollu li ma jridx jidher u/jew li ma jridux juruna. Iva vera, dawk li naraw aħna huma vittmi.

U l-Għarusa f'xiex tidħol? L-għarusa hija dak il-ħsieb li jgħewden ġo moħħna. L-għarusa gejja ukoll mill-Bibja bħall-kliem li ktibt fil-bidu. Hemm parabbola li titkellem dwar iż-żejt, l-għarajjes boloħ u dawk għaqlija. Meta l-boloħ spiccalhom iż-żejt, l-għarajjes għaqlija ma tawhomx minn tagħhom. Kienu għaqlija u ħabblu moħħhom għal dik is-sitwazzjoni, tant li gie l-għarus u ħadhom u ngħalaq il-bieb warajhom biex il-boloħ spiccaw barra.

Jiena kif ser nagħmel biex inkun twajjeb u għaqli? L-ewwel ħsieb li għandi huwa proprju "kont bla dar u lqajtni". Hekk hu: kont bla dar. Iva hemm bosta refugjati vittmi diretti u ndiretti ta' gwerer u jasar. Iva lil dawn għandna naqsmu darna magħhom, pero mhux kull min jiġi huwa refuġjat? Minn dak li naf jien, 10 biss għandhom dan l-istatus.

Ħsieb ieħor hu li ntejbu t-triq ufficjali għal dawk li jridu jiġu hawn Malta u nkissru t-triq tal-klandestina. Regolamenti.

Jiena tajt tnejn... jekk naħseb f'xi ħaga oħra niktiba, pero dawk li jpoġġu bilqeda fil-parlament, kemm ser idumu jsaħħnu s-siggu (ħlief meta jaħsbu għalihom)?!

L-indipendenza

Il-bieraħ il-mara qaltli "Ara hawnhekk ktibt fuq jum il-ħelsien, mela issa missek tikteb xi ħaġa għal festa t'għada - jum l-indipendenza". Forsi min qed jaqra diga pinga il-kulur politiku għax sfortunatament ir-realta' f'dan il-pajjiz hija li l-festi nazzjonali għandhom lewn politiku. Mela ejja nibdew ngħidu li la jien u lanqas il-mara ma tant jinteressana il-politika u ħmieġ kollu li ġġor magħha.

Issa qed noqorbu lejn nofs seklu ta' indipendenza minn l-Ingliżi. Min jafni, jaf ukoll li ma tantx għandi simpatija lejn l-Ingliżi. Hemm diversi raġunijiet. Nara li l-Inglizi tawna bis-siq - żammew il-poplu lura u lsir ta' l-injoranza. Minn naħa l-oħra ħadu ħsieb li xirka ristretta ta' nies tkun f'posizjoni sew priviliggata sabiex ikun hemm garanzija li l-bqija tal-poplu jibqa mjassar. Malti kontra Malti!

Storikament il-PN kien iktar vicin it-Taljani u dejjem il-bogħod mil-partit ta' Strickland, għalhekk naħseb li kellu jkun il-moviment li beda jimbotta lil Malta 'l-barra minn taħt id-dell opressiv ta' l-imperu Brittaniku. Pero t-triq ma kienetx facli. L-Inglizi żgur ma kienux ser joħolqu ambjent politiku sabiex il-gżira tagħna setet tikber socjalment u ekonomikament. L-Ingliżi ħadu ħsieb li l-ekonomija tagħna tkun totalment dipendenti minnhom ħalli mingħajrhom flus ma jkolniex, xogħol ma jkunx hawn u pajjiz imut mingħajrhom.

Mela naħseb li l-indipendenza minn l-Ingliżi tfisser iktar minn l-awtonomija tal-gvern Malti, tfisser mixja ta' poplu li l-ewwel irid jgħin ruħu biex iqum fuq saqajħ ħalli mbgħad jibda jimxi u jkattar il-ġid tiegħu.

Illum forsi qed ninsew minn fejn bdejna. Dejjem naħsbu x'ser nagħmlu u fejn sejrin, iżda tajjeb u mportanti li niftakru minn fejn tlaqna.

Illum forsi nsejna b' dik l-opressjoni mistura ta' xirka magħluqa ta' nies, iżda żgur hemm għada; semplicement ħadet għamla differenti (u globali).

Illum, wara 44 sena, minn xiex għandna bżonn insiru indipendenti?

Ħadd ieħor

Ħadd wara ħadd, ġimgħa wara ġimgħa u wasalna lejn l-aħħar tas-sajf - l-isbaħ stagun. Illum qamet xi ftit żiffa u tagħmel tajjeb għax iġġib bidla. Aħna l-bnedmin għanda bżonn ħafna ta' bidliet f'ħajjitna. Il-kwistjoni hi x'bidliet irridu nagħmlu!

Irridu nagħmlu dieta? Jew irridu nsajru xi ħaġa ġdida, b'tgħoma ġdida?
Irridu nirbħu xi vizju ħażin? Jew irridu nerġgħu ndaħħlu xi vizju tajjeb li konna nsejnieħ?
Irridu naraw x'tofri different din l-ħajja? Jew nkella x'nista' nagħmel jien differenti?

Hemm drabi li naħsbu li l-bidla trid tiġi minn barra. Iżda jekk noqgħod naħseb ftit, l-ikbar bidla li jien nista' nagħmel hija li ninbidel minn ġewwa. Mhux li jien ma nibqax jien, iżda li jien nitqawwa minn ġewwa, nitqawwa fil-virtu. Din hija tassew l-ikbar bidla li nista' nagħmel.

Il-bdil minn barra tfisser li hemm cans li ma tibqax int innifsek. Għanda biżżejjed ndħil li ġej minn barra. Politikamnet, socjalment, kulturalment u ekonimikament.

Il-Ħadd filgħodu

S'issa ma nistax ngħid li l-weekend kien xi ħaġa specjali. Il-mara kellha 'il-fuq minn 39C deni u tlifna l-ħarġa tas-sena ma tax-xogħol ġo l-Intercontinental Hotel. Nsomma weekend ġewwa.

Ili ma nżid xi kitba f'din il-paġna. L-aħħar li kont ktibt kien fuq it-Tibet u dan kien f'jum il-ħelsien. Għadda ż-żmien, għaddiet it-torca olimika u qisu bħal reġa' ntesa' kollox dwar it-tbgħatija tan-nies tat-Tibet. Dwar il-jasar u l-ħakma Ciniza. Dwar in-nuqqas ta' liberta' li hemm ġo c-Cina. Dwar pajjiz millenarju, maħkum minn partit wieħed. Dwar l-ipokreżija u l-inkonsistenza tal-politika Amerikana. U ukoll dwar l-impotenza tal-bqija tad-dinja fil-konfront tal-partit Kommunista Ciniz.

Issa min ser ifakkar lid-Dinja? Min ser jitkellem u jaħdem fuq in-naħa tal-popli mjassra? Tal-Palestina. Taż-Żimbabwe. Ta' Kuba. Tat-Tibet. Tgħid mhux Ġorġ Bush jew Bin Laden!

Issa qed inħalsu biz-zalza iż-żejt, u li ma rridux li l-Iran ikompli jaħdem fuq l-energija atomika sabiex npaxxu lil l-Israeljani u l-Amerikani. X'ser isir minna? Nfakkar li l-uniku pajjiż li uza arma nukleari kienu proprja l-USA. Smajna bosta skuzi għalfejn ntiżaw mhux waħda iżda żewġ bombi atomici pero jibqa' l-fatt tal-mejtin kollha f'Hiroshima u f'Nagasaki.

Din l-UE b'bosta taxxi, b'bosta politici, b'bosta paroli u b'biżibilju policies, u b'saħħa ta' xejn, fejn ser twassalna? Taxxi fuq il-fuel, żiedu l-interessi, inflazjoni għolja u Ewro b'saħħa qawwija. Aħna mslaba. U dawk ġo Brussel u Strasbourg x'qed jagħmlu? Jafuħ dan kollu?

Issa, hawn f'Malta qed isir? Mhux ndaħħlu xi balla taxxi ndiretti? Mhux xi balla multi? Hekk saru jafu jagħmlu biex mbgħad jgħidulna "finanzi fis-sod". U ħallina Dr. Gonzi! Il-poplu mhux slogan. U ma jidhirlix li qed tmexxi bil-maggoranza tal-poplu warajk. Donnu malajr li nsejt l-1981 u ġlied tas-snin tmenin u s-solgan "tal-minoranza".

Għalfejn ma jkunx hawn rieda politika sabiex Malta tħaddem l-LPG fid-djar u l-karozzi pubblici u privati? L-LPG huwa s-soluzjoni għal-llum biex ntejbu l-ambjent u nnaqsu d-dipendenza tagħna minn fuq il-petrol u d-diesel.

Tenzin Gyatso

Illum huwa jum il-Ħelsien. Għamilt bosta xogħol hawn id-dar u issa poġġejt bilqgħeda quddiem il-PC u mort fuq Wikipedia fejn dejjem issib xi artiklu nteressanti. Tgħallimt li fit-tieni gwerra dinjija, kien hemm bosta ġlied bejn ir-resistenza Pollakka u il-ġirien tagħhom tal-Litwanja li kienu pro-Nazi. Tgħallimt ukoll li fl-1994, tal-Porsche rebħu l-24 siegħa ta' Le Mans billi daru mar-regoli.

Peress li llum hija ġurnata memorabbli għal pajjiżna għax ħlisna minn l-aħħar simbolu ta' ħakma barranija, mort nara x'ġara bħal illum fl-istorja tad-dinja. U ssib lista ġmiela ta' avvenimenti li seħħew fil-31 ta' Marzu. L-iktar li laqtitni hija din:

"1959 - The 14th Dalai Lama, Tenzin Gyatso, crosses the border into India and is granted political asylum."

Ma kontx naf li d-Dalai Lama jismu Tenzin Gyatso. Tgħallimt ħaġa oħra llum! Iżda tgħallimt li meta aħna qed niccelebraw il-ħelsien tagħna minn l-armata Ingliża u jasar tal-ħakem barrani, għad baqa' wisq popli mjassra. :-(

Llum għanda tkun ukoll ġurnata ta' speranza kbira għal poplu tat-Tibet, li tilef il-liberta' tiegħu biex ic-Cina tirkupra l-istatus tagħha wara snin twal ta' ġlied ma' l-imperu Ġappuniż u anke ġlied intern. Ħasra li l-vittma kellu jkun anke' t-Tibet.

Barra t-Tibet, hemm ġnus oħra li jbgħatu l-jasar ta' ħakma barranija jew mkecca l-barra minn arthom. Nsemmi l-Palestinjani. Nsemmi l-Armeni. Nsemmi l-popli originarji ta' l-Amerika. Nsemmi l-aborigini ta' l-Awstralja. Dawn diġa huma ħafna u żżejjed. U żgur li hemm bosta popli oħra u nies li għandhom ifitxu l-ħelsien.

Illum: il-ġurnata tar-riflessjoni.

Mela wara ħafna paroli, piki ta' min l-iktar ser l-iktar inaqqas taxxi u min ser l-iktar jeqred il-korruzjoni u fuq kollox, ta' bosta il-ħmieġ; illum waslet l-ġurnata tar-riflessjoni, u mal-weekend ser tinqata' is-sentenza.

Ktibt żewġ kelmiet (Dak li nafu) f'Jannar, ftit qabel ma bdiet il-kampanja elettorali. Issa jidher iktar car li m'hu ser jinbidel xejn minn dak li ktibt... naħseb li ħadd mill-partiti (il-kbar) ma semma xi ħaġa fuq dawk il-punti hekk importanti. U f'din il-ġurnata ta' riflessjoni nara li għaddew u nħlew 4 ġimgħat ta' ħmieġ u ipokreżija. Ħasra, li din l-art ħelwa, iktar ma jgħaddi ż-żmien iktar qeda tiqras.

Qed nara kif wiehed vera jista' jsib lilu nnifsu f'dawn il-blogs. Wieħed ikun jista' iktar facilment jiftakar il-ħsiebijiet tiegħu hekk kif kienu f'dak inhar (mingħajr indħil barrani). Ngħiduha kif hini: hawn Malta difficli taħrab minn l-ispirtu ta' l-elezjoni, u xi ftit jew wisq, f'dan il-paroli, ħornijiet u għajjat kollu, facli li wieħed jitlef kultant it-triq.

Issa li qed nagħmel din r-riflessjoni, u wara li qrajt x'kont ktibt... jiena erġajt sibt it-triq.

Grazzi blogspot.com

Dak li nafu

Kemm il-darba niltaqgħu ma nies li jqażżuk bid-diskors tagħhom?

Jqaġġuk b'diskors li (mingħalijhom) jaf ħafna u kollox. U int, int li tkun studjat jew b'xi mod urejt interess f'dak is-suggett partikolari taf li qed jgħidu bosta cucati u l-istonku jibda' jitqalleb għax ma tkunx tista' tgħidilhom xejn... u jekk tgħid xi ħaġa jippruvaw iwaqqawk għac-cajt, imsieken: minflok jippruvaw jitgħalmu.

Anke jekk tkun studjat... xorta hemm fejn tista' titgħallem u fejn dak li tagħallimt ma jkunx bilfors tajjeb u japplika dajjem. Heq... sekli ilu kienu jitgħalmu li d-dinja hija catta, jew fit-teorija (biss) hija tonda... ara kemm tgħallimna minn dak iż-żmen!

Nħobb nsemmi lil Alfred Wegener, dan kullħadd tnejjek biħ meta ħareġ bit-teorija ta' Continental Drift. Illum, it-teorija tiegħu hija universalment accettata. Il-povru Wegener ma għex biżżejjed biex jara dan. Hu miet mewta eroika fis-silġ u l-kesħa ta' Greenland.

Barra minn dan it-tip ta' diskors, hemm ukoll tip ieħor, li sfortunatament għalina, ser ikollna bosta u bosta minnu: Id-diskors poilitku u l-elezjoni ġenerali.

Ajma hej! Ara kemm tal-PN ser jgħidu li mexxew il-pajjiż 'il-quddiem, ara kemm ser isemmu l-ismart city. Ara kemm ser jgħidu bl-ostra IT u internet issussidjat minn fuq dari!
Mbgħad biex ma jonqosx, ikollna ta' l-MLP, jew kif inhuma magħrafa is-socjalisti tal-Labour. Dawn ser jgħidulna kemm qedin għar milli fil-fatt qedin u kif ser iġibu l-pajjiż pupilla, migħajr korruzjoni u b'futur aħjar. Ilhom jgħidu gvern laburista ġdid... ilu ftit issa jgħidu ġdid!

U jien hawn. Nħallas l-internet bl-għoli bħal ma għamilt għal dawn l-aħħar 12 il-sena. B'riħ u mard fuqi. B'VAT minn 15% għal 18%. B'eco tax, bl-għola road tax u VAT fuqa (u dan meta m'għandiex toroq!), b'speed limits ridikoli u b'speed camera lesta biex twaħħlek Lm30 (ma nafx kemm saret f'Ewri). B'xi warden jara it-traba tiegħek u jinsa it-travi l-oħra (għax jien, miskin, individwu). Bl-ispekolaturi ta' kull tip lesti biss jerdgħu u jkunu akkomodati mill-gvern. B'airport u travel tax galor. B'inqas leave u pensjoni sa 65 sena. B'miżati għola tal-posta u courier (bħal spejjes oħra portwali). B'restaurants u l-petrol dejjem jgħolew. Bl-ispiża tas-super market dejjem tgħola... u l-istatiskika ta' l-għoli tal-ħajja dejjem l-istess. Bil-bank ma jtik xejn għal flus tiegħek u jgħidlek tiegħomli ħalli nilgħabhom fuq l-istock exchange... pero bi flusu, l-bank, ma jilgħabx għax garanziji fuq garanziji jitolbok jekk iselfek xi ħaġa!

Naħseb li nsejt xi ħaġa, pero żgur li Gonzi jinsa' iktar minni għax Gonzi: jidħak dher fuq il-posters!